کامیاب اور خوشگوار زندگی کیسے گزاری جائے؟

بحیثیت انسان ہر شخص کی خواہش ہوتی ہے کہ وہ اپنی زندگی خوشگوار انداز اور مکمل آسودگی کے ساتھ گزارے جس کیلیے چند رہنما اصول ہیں جن پر عمل کرنا ضروری ہے۔

یہ رہنما اصول زندگی میں مثبت سمت اور کامیابی حاصل کرنے میں مدد فراہم کرتے ہیں، جس میں دوسروں کے ساتھ اچھا سلوک کرنا اور اپنے مقصد پر قائم رہنا شامل ہے۔

اے آر وائی کیو ٹی وی کے پروگرام میں سید سرفراز شاہ نے کامیاب اور خوشگوار زندگی گزارنے کے حوالے سے اپنے تجربات اور مشاہدے کی روشنی میں ناظرین کو مفید مشوروں سے آگاہ کیا۔

پروگرام کے میزبان عبد الرؤف کے سوالات کا جواب دیتے ہوئے انہوں نے بتایا کہ مسلمان اس حوالے سے بہت فائدے میں ہیں کیونکہ بچپن میں اسکولوں میں جو اسلامیات کا مضمون پڑھایا جاتا ہے وہ اس بچے کی تربیت میں اہم کردار ادا کرتا ہے۔

ARY News Urdu- فن و ثقافت

زندگی گزارنے کے چند رہنما اصولوں میں جدوجہد، مقصد کا تعین، قناعت اور سخاوت، تکبر سے اجتناب، صبر، لوگوں کی مجبوریاں سمجھنا اور آزمائشوں کا سامنا کرنا شامل ہیں۔

ان کا کہنا تھا کہ یہ رہنما اصول زندگی میں مثبت سمت اور کامیابی حاصل کرنے میں مدد دیتے ہیں، جس میں دوسروں کے ساتھ اچھا سلوک کرنا اور اپنے مقصد پر قائم رہنا شامل ہیں۔

سید سرفراز شاہ نے بتایا کہ اگر اس بات کو ایک لفظ میں بتانے کی کوشش کروں تو وہ سنسیارٹی ہے یعنی انسان اگر دوسروں کے معاملے میں مکمل طور پر بے لوث ہوجائے تو کسی کو کوئی شکایت نہ ہو۔