فیصل آباد میں نیا ایئرپورٹ بنانے کا فیصلہ

کراچی (23 اگست 2025): پاکستان ایئرپورٹس اتھارٹی (پی اے اے) نے فیصل آباد میں نیا ایئرپورٹ تعمیر کرنے کا فیصلہ کر لیا۔

فیصل آباد میں نئے ایئرپورٹ کے ڈیزائن، ماسٹر پلان اور فزیبلٹی کیلیے کنسلٹنسی خدمات کیلیے پیشکش طلب کر لی گئی۔ پی اے اے نے کہا کہ دلچسپی رکھنے والی کمپنیاں 12 اکتوبر 2025 تک درخواستیں جمع کروائیں۔

وفاقی حکومت نے اپریل 2025 میں سمندر پار پاکستانیوں کے مطالبے پر آزاد جموں و کشمیر میں انٹرنیشنل ایئرپورٹ بنانے کا فیصلہ کیا تھا۔

اس حوالے سے کچھ عرصہ قبل وزیر اعظم شہباز شریف کو اس سلسلے میں کشمیری نژاد برطانوی ممبران پارلیمنٹ کا لکھا گیا ایک خط بھی منظر عام پر آیا تھا جس میں اس مطالبے کی حمایت کی گئی۔

برطانوی ارکان پارلیمنٹ نے وزیر اعظم شہباز شریف کو خط لکھ کر آزاد جموں و کشمیر میں ایئرپورٹ کی تعمیر پر زور دیا تھا۔

اوور سیز پاکستانیوں کے پُرزور مطالبہ کے بعد وفاقی حکومت کی ہدایت پر اسلام آباد میں ایئرپورٹس اتھارٹی نے اس منصوبے کیلیے کنسلٹنسی فرم کی خدمات حاصل کرنے کا اشتہار بھی جاری کر دیا۔