ڈکی بھائی کی گرفتاری پر رجب بٹ کا ردعمل سامنے آگیا

یوٹیوبر سعد الرحمان عرف ڈکی بھائی کی گرفتاری پر یوٹیوبر رجب بٹ کا ردعمل بھی سامنے آگیا ہے۔

ڈکی بھائی ان دنوں قانونی کارروائی کی زد میں ہیں کیونکہ انہیں قانون نافذ کرنے والے اداروں نے بیٹنگ ایپ کیس میں حراست میں لیا ہوا ہے، انہیں جسمانی ریمانڈ پر رکھا گیا ہے جبکہ ان کے خلاف تحقیقات کا عمل جاری ہے۔

تاہم اب ڈکی کے سابق دوست رجب بٹ نے ان کی گرفتاری پر ردعمل دیتے ہوئے کہا ہے کہ وہ سمجھتے ہیں کہ ڈکی بھائی کو کیوں گرفتار کیا گیا لیکن قانون سب کے لیے برابر ہونا چاہئے۔

@rajabibutt #buttisback007 #rajabbutt ♬ original sound – urpartner

رجب نے کہا کہ ہم سب نے دیکھا ہے کہ پی ایس ایل کے تمام کھلاڑیوں کے پاس بیٹنگ ایپ کے لوگو والی جرسیاں تھیں جب قومی ٹیلی ویژن پر اشتہارات چل رہے تھے۔

ایجنسیاں بڑی مچھلیوں کے پیچھے کیوں نہیں لگ رہی؟ انہوں نے مزید کہا کہ ہوسکتا ہے کہ سیکڑوں انفلوئنسرز نے ان ایپس کی پروموشن کی ہو اور ایجنسیاں انہیں صرف اس لیے نشانہ بنا رہی ہیں کیونکہ انہیں گرفتار کرنا آسان ہے۔

Ducky Bhai Case- All Updates

رجب بٹ کی جانب سے ڈکی اور ان کے خاندان کے لیے ہمدردی کا اظہار بھی کیا گیا جو ان دنوں مشکلات کا سامنا کررہے ہیں۔