کراچی : صوبائی وزیر سعید غنی کا ان کے بھائی فرحان غنی اور ساتھیوں کے خلاف مقدمہ درج ہونے پر رد عمل سامنے آگیا۔
صوبائی وزیر سعید غنی کے بھائی اور چیئرمین چنیسر ٹاؤن فرحان غنی اور ان کے ساتھیوں کے خلاف انسداد دہشت گردی کے تحت مقدمہ درج کرلیا گیا ہے۔
سماجی رابطے کی ویب سائٹ ایکس پر اپنے پیغام میں صوبائی وزیر نے اپنا مؤقف بیان کرتے ہوئے کہا کہ میرے بھائی کا گزشتہ روز حافظ سہیل نامی شخص سے جھگڑا ہوا تھا اور آج اس نے مقدمہ درج کرادیا جو اس کا قانونی حق تھا۔
اپنے پیغام میں انہوں نے کہا کہ فرحان غنی سمیت تمام لوگ خود گرفتاری پیش کرکے قانون کا سامنا کرتے ہوئے عدالت میں اپنی بے گناہی ثابت کریں گے۔
مزید پڑھیں : سعید غنی کا بھائی فرحان غنی ساتھیوں سمیت گرفتار، مقدمہ درج
واضح رہے کہ پیپلزپارٹی کے سندھ کے رہنما اور صوبائی وزیر سعید غنی کے بھائی فرحان غنی کو پولیس نے سرکاری اہلکار پر تشدد کے الزام میں ساتھیوں سمیت گرفتار کرکے مقدمہ درج کرلیا ہے۔
مذکورہ مقدمہ فیروز آباد تھانے میں سرکاری اہلکار پر تشدد کے الزام میں درج کیا گیا جس میں دہشت گردی دفعات شامل کی گئی ہیں۔