اسلام آباد : حج کوٹہ کے خلاف کیس میں حج ٹورآپریٹرز میں پھوٹ پڑ گئی، میں مزید12 ٹور آپریٹرز نے حج کوٹہ کے خلاف اپنی درخواستیں واپس لے لیں۔
تفصیلات کے مطابق اسلام آباد ہائی کورٹ میں جسٹس محمد اعظم خان نے حج کوٹہ کے خلاف کیس میں نجی ٹور آپریٹرز کی متفرق درخواستوں پر سماعت کی۔
درخواستگزاران کی جانب سے چوہدری اسامہ طارق ایڈووکیٹ اور دیگر عدالت پیش ہوئے ، درخواست گزار وکلاء نے بتایا کہ مرکزی کیس میں درخواستگزاران کی فہرست میں نام شامل ہیں، ہماری رضامندی کے بغیر میرا نام شامل کیاگیا جس کا ہمیں علم بھی نہیں۔
،درخواستگزار وکلاء نے استدعا کی کہ عدالت مرکزی کیس کے درخواستگزاران سے ہمارا نام نکالنے کا حکم دے۔
جس کے بعد مزید 12 ٹور آپریٹرز نے حج کوٹہ کے خلاف اپنی درخواستیں واپس لے لیں اور درخواست گزاروں نے پٹیشن میں بغیر رضامندی نام شامل کیے جانے کا انکشاف کیا۔
اسلام آباد ہائی کورٹ نے نجی ٹورآپریٹر کی متفرق درخواستیں منظور کرلیں۔
چند روز قبل بھی نجی ٹور آپریٹرز کے حج کوٹہ کے خلاف کیس میں ایک درخواست گزار نے اپنی درخواست واپس لی تھی۔
چوہدری اسامہ طارق ایڈووکیٹ نے کہا تھا کہ مرکزی کیس میں درخواست گزاران کی فہرست میں میرے کلائنٹ کو نام شامل ہے، کمپنی کا ڈائریکٹر ہوں اور کیس کا علم ہی نہیں تھا، ایک روز پہلے علم ہوا کہ انکی کمپنی کا نام بھی درخواستگزاروں میں شامل ہے۔
درخواست گزار کے مطابق میری رضامندی کے بغیر درخواست میں میرا نام شامل کیا گیا جس کا مجھے علم نہیں، کوئٹہ سے اسی لئے آیا ہوں، استدعا ہے کہ عدالت مرکزی کیس کے درخواست گزاران سے میرا نام نکالنے کا حکم دے، عدالت نے نجی ٹورآپریٹر کی متفرق درخواست منظور کرلی تھی۔