گلوکارہ ٹیلر سوئفٹ کی منگنی کا اعلان کرنے والی خاتون رپورٹر کی ویڈیو سوشل میڈیا پر وائرل ہوگئی۔
انٹرنیٹ پر ٹیلر سوئفٹ اور فٹبالر ٹریوس کیلس کی منگنی کے چرچے ہیں لیکن ایک ردعمل نے سوشل میڈیا پر لوگوں کی توجہ اپنی جانب مبذول کروالی۔
سی بی ایس کی رپورٹر اولیویا رینالڈی کا ڈرامائی ردعمل اب وائرل ہو چکا ہے اور لوگ اسے شیئر بھی کررہے ہیں۔
وائٹ ہاؤس کے باہر فلمائے گئے ایک وائرل کلپ میں رینالڈی اپنے فون کے ذریعے اسکرول کرتے ہوئے نظر آتی ہیں جب اسے اچانک سوئفٹ کی منگنی کی پوسٹ کا پتہ چلا۔
یہ پڑھیں: ٹیلر سوئفٹ نے امریکی فٹبال اسٹار سے منگنی کر لی
ٹیلر سوئفٹ کی منگنی کا جان کر وہ حیران اور پرجوش نظر آتی ہے۔ تقریباً فوراً ہی، وہ بولتی ہے، "ٹیلر سوئفٹ کی منگنی ہو گئی ہے!”، ایک بار نہیں بلکہ کئی بار، گویا اسے یقین کرنے کے لیے اسے خود سننے کی ضرورت تھی۔
خاتون رپورٹر کہتی ہیں کہ ’اوہ میرے خدا، اوہ میرے خدا۔” یہ میرے پیشہ ورانہ کیریئر میں ایک بہت ہی دلچسپ لمحہ ہے، کیونکہ مجھے یہ اعلان کرنے کا موقع ملا کہ ٹیلر سوئفٹ اور ٹریوس کیلس کی منگنی ہو گئی ہے۔” ا
پوسٹ کو مختلف سوشل میڈیا پلیٹ فارمز پر بڑے پیمانے پر شیئر کیا گیا ہے لیکن یہ خاص ویڈیو ایکس (سابقہ ٹویٹر) پر ہینڈل کولنگ رگ کے ذریعے شیئر کی گئی تھی
واضح رہے کہ ٹیلر سوئفٹ نے گزشتہ روز انسٹاگرام پر اپنی منگنی کی تصاویر شیئر کیں تھیں جس پر مداحوں کی جانب سے انہیں مبارکباد دی گئی۔