کراچی : متحدہ قومی موومنٹ کا کہنا ہے کہ جماعت اسلامی رہنماؤں کی اشتعال انگیزتقاریر سے صاف ظاہر ہوتا ہے کہ جماعت اسلامی الیکشن لڑنے نہیں بلکہ فساداورشرانگیزی پھیلانے کی کوشش کررہی ہے لیکن ہم قائدتحریک الطاف حسین کی امن پسندی اورعدم تشددکی پالیسی پر گامزن رہیں گے۔
متحدہ قومی مومنٹ کے ترجمان نے کہاکہ جس جماعت نے جہاد کے نام پر پاکستان میں دہشت گردی اورکلاشنکوف کلچر کاآغاز کیاہواور دہشت گردی کوپاکستان سے افغانستان، کشمیراور دیگرملکوں تک پھیلایاہو۔
جس نے ملک کی جامعات کودہشت گردی کاگڑھ بنایاہو، اس کے رہنماؤں کے منہ سے ایم کیو ایم پردہشت گردی کے الزامات لگانے کاعمل حیرت انگیز ہے۔
ترجمان نے کہاکہ جس جماعت کاامیرملک میں قتل و قتال کاکلچر عام کرنے کی بات کرتاہو،پاک فوج کے افسروں اورجوانوں کو شہید قراردینے کیلئے تیارنہ ہواس جماعت کی جانب سے ایم کیوایم پردہشت گردی کے الزامات شرمناک ہیں۔
ترجمان نے کہاکہ اگرجماعت اسلامی نے کراچی کے عوام کی محرومی دورکی ہوتی اوران کے حقوق کیلئے واقعی کچھ کیاہوتاتوقائدتحریک الطاف حسین کوایم کیوایم بنانے کی ضرورت پیش نہ آتی۔