بھارتی فلم انڈسٹری کے معروف اداکار سیف علی خان کی بہن سوہا علی خان نے حال ہی میں اپنے کیریئر کے ابتدائی دنوں کے بارے میں لب کشائی کرتے ہوئے کہا کہ وہ انڈسٹری میں آنے سے قبل فنانس کے شعبے میں خدمات انجام دے چکی ہیں۔
بھارتی میڈیا رپورٹس کے مطابق سوہا علی خان نے لندن اسکول آف اکنامکس سے ماسٹرز کرنے کے بعد ممبئی میں ایک بین الاقوامی بینک میں ملازمت اختیار کی، جہاں ان کی سالانہ تنخواہ 2.2 لاکھ روپے تھی، جبکہ وہ 17 ہزار روپے ماہانہ کرایہ ادا کرتی تھیں۔
رپورٹس کے مطابق ایک انٹرویو میں سوہا کا کہنا تھا کہ ان کی آمدنی کا بڑا حصہ کرایے میں چلا جاتا تھا، لیکن وہ خودمختار زندگی گزارنا چاہتی تھیں تاکہ اپنے فیصلے خود لے سکیں۔
اداکارہ نے انکشاف کیا کہ فلم انڈسٹری میں آنے کا فیصلہ ان کے لیے آسان نہ تھا کیونکہ وہ جانتی تھیں کہ ان کے والدین شرمیلا ٹیگور اور منصور علی خان پٹودی ممکنہ طور پر ناراض ہوسکتے ہیں۔ لیکن مالی خودمختاری نے انہیں اعتماد بخش دیا تھا۔
اداکارہ کا کہنا تھا کہ ان کی زندگی میں اہم موڑ اس وقت آیا جب انہیں ایک ماڈلنگ پراجیکٹ سے انڈسٹری میں بریک ملا جس کی فیس 5 لاکھ روپے تھی۔
”پیلی کوٹھی“ میں کیا ہوا تھا؟ سوہا علی بتاتے ہوئے کانپ اُٹھیں
بعد ازاں سوہا علی خان کو فلم دل مانگے مور میں شاہد کپور کے ساتھ کاسٹ کرلیا گیا، جس کا معاوضہ انہیں 10لاکھ روپے دیا گیا، اس کے بعد سے انہوں نے اداکاری کو بطور پیشہ اپنا لیا اور اب بھی فلموں میں کام کرکے بہترین اداکاری سے اپنا لوہا منوا رہی ہیں۔