اسلام آباد (30 اگست 2025): اگر آپ کی والدہ کے ب فارم پر ان کا نام غلط درج ہے تو اسے درست کروانا کا طریقہ انتہائی آسان ہے۔
نیشنل ڈیٹابیس اینڈ رجسٹریشن اتھارٹی (نادرا) کے سوشل میڈیا اکاؤنٹس پر معلوماتی ویڈیوز شائع کی جاتی ہیں جن کا مقصد شہریوں کے سوالات کا جواب دینا اور انہیں آسان و مرحلہ وار طریقے سے گائیڈ کرنا ہے۔
ایک شہری نے سوال کیا کہ ان کی والدہ کے ب فارم (جسے چائلڈ رجسٹریشن سرٹیفکیٹ یا سی آر سی بھی کہا جاتا ہے) پر نام غلط درست کیا جا چکا ہے، اسے ٹھیک کروانے کا طریقہ کیا ہے؟
یہ بھی پڑھیں: نادرا سے بچے کا ب فارم بنوانے کا آسان طریقہ
نادرا حکام کی جانب سے بتایا گیا کہ اگر سی آر سی پر والدہ کا نام غلط درج کیا جا چکا ہے تو اس میں پریشان ہونے والی کوئی بات نہیں۔
انہوں نے بتایا کہ والد اور والدہ قریبی نادرا مرکز تشریف لے جائیں اور وہاں والد ب فارم میں نام درست کروانے کیلیے درخواست دیں گے جس کی والدہ تصدیق کریں گی، اس کے بعد انہیں نیا سی آر سی جاری کر دیا جائے گا جس پر وہی نام درج ہوگا جو خاتون کے قومی شناختی کارڈ پر ہے۔