وزیر آباد(31 اگست 2025): پنجاب کے سیلاب سے متاثرہ علاقے وزیر آباد میں بروقت طبی امداد نہ ملنے پر خاتون کے 3 نومولود دم توڑ گئے۔
تفصیلات کے مطابق وزیر آباد میں سیلاب کی و جہ سے نظام زندگی بری طرح متاثر ہے، سڑکیں سیلابی پانی میں ڈوبی ہونے کی وجہ سے آمدو رفت میں بھی شدید خلل آیا ہوا ہے۔
تاہم وزیر آباد کے سوہدرہ کے علاقہ رانا میں سیلاب نے ماں کی گود اجاڑ دی، بروقت طبی امدد نہ ملنے پر 3 نومولود بچے دم توڑ گئے۔
ریسکیو حکام کا کہنا ہے کہ سیلابی پانی سے راستے بند ہونے سے حاملہ خاتون بروقت اسپتال نہ پہنچ سکی، حاملہ خاتون نے راستے میں ہی 3 بچوں کو جنم دے دیا۔
ریسکیو حکام کا مزید کہنا ہے کہ بچوں کو فوری طبی امدد نہ ملنے سے تینوں بچے انتقال گے، نومولود میں دو بیٹیاں اور ایک بیٹا شامل تھا۔