قبلہ اول مسجد اقصیٰ میں اسلامی نوادرات کو نقصان پہنچانے کی اسرائیلی خفیہ کارروائیوں کا انکشاف ہوا ہے۔
فلسطینی اتھارٹی کی یروشلم گورنریٹ نے رپورٹ کیا ہے کہ اسرائیل خفیہ طور پر مسجد اقصیٰ میں اسلامی نوادرات کو تباہ کر رہا ہے۔
لیک ہونے والی ویڈیوز میں اسرائیلی حکام کی جانب سے مسجد اقصیٰ کے احاطے میں غیر مجاز کھدائی اور مسماری کی کارروائیوں کا انکشاف ہوا ہے۔
فلسطینی حکام نے کہا کہ یہ کارروائیاں جان بوجھ کر اموی دور سے تعلق رکھنے والے اسلامی نوادرات کو نشانہ بنانے کے لیے کی جارہی ہیں جو اس مقام پر مسلمانوں کے جائز دعوے کے زندہ گواہ اور ناقابل تردید ثبوت کے طور پر کھڑے ہیں۔
انہوں نے اسلامی خلافت کی حکمرانی کا حوالہ دیتے ہوئے کہا کہ جو 661 میں شروع ہوئی اور 750 میں ختم ہوئیں۔
بیان میں کہا گیا ہے کہ اسرائیل مسجد اقصیٰ کی تاریخی شناخت کو ختم کرنے کے مقصد سے اسلامی آثار قدیمہ کو تباہ کر رہا ہے تاکہ اس جگہ پر مستقبل میں یہودی مندر کی تعمیر کے حق میں ہوں، یہ کھدائی کسی بھی بین الاقوامی نگرانی سے ہٹ کر کی جارہی ہے۔
تنظیم نے اسے ایک "جرم اور بین الاقوامی قوانین اور نوادرات کے تحفظ کے معاہدوں کی کھلی خلاف ورزی” قرار دیا ہے۔