سامعہ حجاب کے اغوا کیس کا ملزم جسمانی ریمانڈ پر پولیس کے حوالے

ٹک ٹاکر سامعہ حجاب کے اغوا کیس کے ملزم حسن زاہد کو اسلام آباد کی عدالت نے 5 روزہ جسمانی ریمانڈ پر پولیس کے حوالے کردیا۔

ملزم حسن زاہد کے خلاف دوسرے مقدمے کے اندراج کے بعد پولیس کو ریمانڈ دیا گیا کیونکہ ملزم نے پہلی ایف آئی آر میں ضمانت حاصل کرلی تھی۔

حسن زاہد کو اسلام آباد میں مقیم ٹک ٹاکر سامعہ کی شکایت پر ہراساں، حملہ، اغوا کرنے اور جان سے مارنے کی دھمکیاں دینے کے الزام میں دو مقدمات میں نامزد کیا گیا تھا۔

سامعہ حجاب  نے دو روز قبل الزام لگایا تھا کہ ملزم نے گھر کے باہر سے اغوا کرنے کی کوشش کی، اس واقعے میں کیپٹل سٹی پولیس نے فوری کارروائی کی جس کے نتیجے میں مبینہ اغوا کار کو 24 گھنٹے کے اندر گرفتار کر لیا گیا۔

یہ پڑھیں: ثنا یوسف کی دوست سامعہ حجاب کو شادی سے انکار پر اغوا کرنے کی کوشش

انسٹاگرام پر پوسٹ کی گئی ایک ویڈیو میں ٹک ٹاکر نے بتایا کہ مشتبہ شخص، جس کی شناخت اس نے لاہور سے حسن زاہد کے نام سے کی ہے، اسے کئی مہینوں سے دھمکیاں دے کر اور اس سے شادی کرنے کا مطالبہ کر رہا تھا۔

سامعہ  نے دعویٰ کیا تھا کہ وہ ان کی رہائش گاہ کے باہر نمودار ہوا، فون پکڑا، اور انہیں زبردستی اپنی کار میں لے جانے کی کوشش کی۔

انہوں  نے مقتولہ ٹک ٹاکر ثنا یوسف کے حالیہ قتل کا ذکر کیا  جو اس سال کے شروع میں اسلام آباد میں پر قتل کردی گئی، اور کہا تھا کہ اس سے پہلے میری دوست ثنا کی موت اسی وجہ سے ہوئی تھی، میں ثنا نہیں بننا چاہتا۔

یہ پڑھیں: ٹک ٹاکر سامعہ کو جان سے مارنے کی دھمکیاں دینے والا ملزم حسن زاہد گرفتار

سامعہ حجاب نے پولیس کی جانب سے شکایت درج کرنے اور فوری کارروائی کرنے کی تعریف کی۔

پولیس کے مطابق، انہیں سامعہ کو دھمکی دینے کے لیے ملزم کا استعمال کیا گیا ہتھیار، جرم کے لیے استعمال ہونے والی دو کاریں، ایک موبائل فون اور 45000 روپے کی نقدی برآمد کرنا ہے جو اس نے اس کے الزامات کے مطابق متاثرہ لڑکی سے چرایا تھا۔

شالیمار پولیس حکام کا کہنا تھا کہ یہ ناقابل برداشت فعل تھا کہ کسی نے کسی فرد کو زبردستی اغوا کرنے کی کوشش کی۔

ٹک ٹاکر کا کہنا تھا کہ ملزم نے آج صبح ایک بار پھر دھمکی دی کہ اگر میں نے ایف آئی آر واپس نہیں لی تو مجھے جان سے مار دے گا۔

حجاب نے انکشاف کیا کہ ملزم کو 24 گھنٹے میں گرفتار کر لیا گیا۔ حجاب نے آئی جی اسلام آباد اور ایس ایچ اوز شفقت اور اسحاق کا تعاون پر شکریہ ادا کیا۔

حجاب نے کہا کہ وہ نہ صرف اپنے لیے بلکہ ہر اس لڑکی کے لیے بھی بات کرتی رہے گی جو اس وقت غیر محفوظ محسوس کر رہی ہے۔