اسلام آباد : وزیردفاع خواجہ آصف، وزیراطلاعات پرویز رشید اوروزیراعلیٰ پنجاب شہباز شریف نےالطاف حسین کی”را“ سے مدد کی درخواست پرکڑی نکتہ چینی کی۔
خواجہ آصف نےکہا کہ الطاف حسین نے مہاجروں کا سرشرم سےجھکادیا ہے۔ الطاف حسین کی تقاریر پروزیروں نے بھی سخت ردعمل ظاہرکردیا۔
وزیر دفاع خواجہ آصف کا کہنا ہے کہ الطاف حسین نے را سے مدد مانگ کر مہاجروں کے سر شرم سے جھکا دیئے ہیں،ایم کیوایم کےقائد نےجوزبان استعمال کی کسی پاکستانی کی نہیں ہوسکتی۔
وزیراعلیٰ پنجاب شہباز شریف نے الطاف حسین کے بیان کو غداری قراردیا ۔شہباز شریف کا کہنا ہے کہ الطاف حسین نے بھارت کی خفیہ ایجنسی ”را“ سے مدد کی درخواست کر کے کروڑوں پاکستانیوں کے جذبات مجروح کئے ہیں۔
انہوں نے ایم کیوایم کی کارکنان سےکہا کہ الطاف حسین کےبیان سےلاتعلقی کااعلان کریں، وفاقی وزیراطلاعات پرویز رشید کہتے ہیں کہ قومی ادروں پرتنقید قابل مذمت اورمجرموں کی پشت پناہی کےمترادف ہے۔