لاہور: پاکستان کرکٹ بورڈ نے کھلاڑیوں کو نیا سنٹرل کنٹریکٹ دورہ سری لنکا کے دوران بھجوانے کی یقین دہانی کرادی ہے۔
ذرائع کے مطابق سنٹرل کنٹریکٹ کے معاملے پر سینئر کھلاڑیوں اور پی سی بی میں معاملات گزشتہ رات طے پا گئے تھے، کھلاڑیوں کو تمام مطالبات پورے کرنے کی یقین دہانی کرائی گئی، کچھ کھلاڑیوں کی کیٹیگریز میں ردو بدل بھی پی سی بی کے لیے درد سر بن گیا۔
سیئنر کرکٹرز کی کٹیگری میں ردو بدل انکی کارکردگی کے مطابق کیا جائے گا۔
ذرائع کے مطابق اس سال کھلاڑیوں کو صرف چھ ماہ کا نیا سنٹرل کنٹریکٹ دیا جائے گا جبکہ پی سی بی نے ورلڈ کپ کے دوران کھلاڑیوں سے وعدہ کیا تھا کہ ایک سال کا سنٹرل کنٹریکٹ دیا جائے گا، کھلاڑیوں نے ورلڈ کپ سے قبل تین ماہ کا سنٹرل کنٹریکٹ مسترد کردیا تھا۔