وفاقی حکومت نے عدلیہ کیخلاف مہم کی تحقیقات کیلئے مشترکہ تحقیقاتی کمیٹی (جےآئی ٹی) تشکیل دیدی۔
حکومت کی جانب سے جاری نوٹیفکیشن کے مطابق ایڈیشنل ڈی جی سائبر کرائم ایف آئی اے جےآئی ٹی کے کنوینئر ہوں گے جب کہ آئی بی، آئی ایس آئی، ڈی جی آئی سی ٹی پولیس اور نمائندہ پی ٹی اے ممبر ہوں گے۔
جےآئی ٹی اعلیٰ عدلیہ کیخلاف مہم کے محرکات کاتعین کرے گی۔ جےآئی ٹی عدلیہ مخالف مہم اور ججز کی ساکھ متاثر کرنے والوں کا تعین کرے گی۔
اعلیٰ عدلیہ کیخلاف مہم کےذمہ داروں کوقانون کےکٹہرے میں لایا جائے گا اور جےآئی ٹی ملزمان کیخلاف چالان متعلقہ عدالتوں میں پیش کرےگی۔
کمیٹی مستقبل میں ایسے واقعات کے تدارک کیلئے اقدامات تجویز کرے گی۔