بالی وڈ سپر اسٹار عامر خان اپنی بیٹی کی شادی پر سابق اہلیہ رینا دتہ کے ساتھ رقص کرتے نظر آئے جس کی ویڈیو وائرل ہوگئی۔
مسٹر پرفیکشنسٹ کی صاحبزادی ایرا خان جب سے شادی کے بندھن میں بندھی ہیں ان کی بارات کے حوالے سے متعدد خبریں میڈیا کی زینت بنتی رہی ہیں۔ گلوکار آشو شرما کی جانب سے ایک ویڈیو شیئر کی گئی جس میں عامر خان اپنی پہلی سابق اہلیہ رینا دتہ کے ساتھ محو رقص نظر آرہے ہیں۔
شیئر کی گئی ویڈو میں دیکھا جاسکتا ہے کہ لوک گائیک آشو ایرا خان کی بارات میں گانا گاتے نظر آرہے ہیں۔ اس میں عامر خان بھی سیاہ ٹی شرٹ پہنے نظر آتے ہیں۔
اس دوران اداکار عامر خان کو اپنی سابق بیویوں کے ساتھ رقص کرتے دیکھا گیا۔ اس کے علاوہ اداکار تقریب میں سب سے پُرتپاک اندازمیں بھی ملتے نظر آرہے ہیں۔
بالی وڈ اداکار اپنے بیٹے جنید خان کو ساتھ ڈانس میں شامل کرنے کی کوشش کرتے ہیں لیکن جنید وہاں سے بچ نکلنے میں کامیاب ہوگئے۔
تقریب کے دوران عامر خان کی سابق بیوی آزاد راؤ کو بھی اپنے والدین کے ساتھ رقص کرتے دیکھا گیا، مداح اس ویڈیو پر مختلف تبصرے کرتے ہوئے عامر خان کو مبارکباد دے رہے ہیں۔
واضح رہے کہ گزشتہ دنوں بالی وڈ کے سُپر اسٹار عامر خان کی بیٹی ایرا خان اور نوپور شیکھرے رشتہ ازدواج میں منسلک ہوئے تھے جس کی تصاویر اور ویڈیوز منظر عام پر آئی تھیں۔
بھارتی میڈیا کے مطابق شادی کی مختصر تقریب ممبئی کے علاقے باندرہ کے تاج لینڈز اینڈ میں منعقد کی گئی تھی، شادی رجسٹرڈ کروانے کے موقع پر جوڑے کے والدین، قریبی رشتے دار اور چند دوست شریک تھے۔
آئرا خان اور نوپور شیکھرے کی شادی کی تقریب 8 جنوری کو ادے پور میں منعقد کی جائے گی جس میں مہمانوں کی بڑی تعداد شریک ہوگی۔