گال کے تیسرے روز نسیم شاہ نے وکٹ بچائی اور سعود شکیل کو ڈبل سنچری کرنے میں مدد کی، نسیم شاہ نے 78 گیندوں پر 6 رنز اسکور کیے تو عامر سہیل نے انہیں تنقید کا نشانہ بنایا۔
فاسٹ بولر نسیم شاہ کی سست بیٹنگ کو لے کر کمنٹیٹر عامر سہیل نے سخت الفاظ ادا کیے جس کے بعد انہیں سوشل میڈیا صارفین کی جانب سے تنقید کا نشانہ بنایا جارہا ہے۔
کمنٹری کے دوران رمیز راجا نے نسیم شاہ کی تعریف کی اور کہا کہ نسیم کو بیٹنگ میں اعصاب مضبوط کرنے میں کوئی مسئلہ نہیں ہے۔
جواب میں عامر سہیل نے فوراً کہا کہ نسیم کو دماغ کے مسلز مضبوط کرنے کی ضرورت ہے اگر وہ ایسا کرلیں تو بہتر کرکٹر اور بولر بن سکتے ہیں۔
عامر سہیل کی جانب سے نسیم شاہ پر تنقید کرنے پر سوشل میڈیا صارفین نے فاسٹ بولر کی خوب پذیرائی کی اور کہا کہ وکٹ پر موجود رہتے ہوئے نسیم شاہ نے وکٹ بچائی اور سعود شکیل کو موقع دیا۔
نسیم شاہ کی جتنی بھی تعریف کی جائے وہ بہت ہی کم ہے کیونکہ کسطرح وہ وکٹ پہ جمے رہے اس طرح کوئی بڑے بڑا کھلاڑی بھی نہیں ٹھر سکتا
— Aamir ali Roungha (@RounghaAamir1) July 19, 2023
سوشل میڈیا صارفین عامر سہیل کو مخاطب کرتے ہوئے کہہ رہے ہیں کہ ’دماغ کے مسلز نہیں ہوتے۔‘
واضح رہے کہ سعود شکیل نے گزشتہ روز سری لنکا میں ڈبل سنچری اسکور کی اس سے قبل کوئی بھی پاکستانی بیٹر سری لنکا میں ڈبل سنچری اسکور نہیں کرسکا۔
Amir sohail khud tau jazbati haukay match harwaya kartay thay aur iskau bol rahe😪
— Mahnoor1996 (@Mahnoor19961) July 18, 2023
گال ٹیسٹ کے چوتھے روز کھیل کے اختتام پر پاکستان نے 3 وکٹوں کے نقصان پر 48 رنز بنائے ہیں اور قومی ٹیم کو جیت کے لیے مزید 83 رنز درکار ہیں، امام الحق 25 اور بابر اعظم 6 رنز کے ساتھ کریز پر موجود ہیں۔
سری لنکا کی ٹیم دوسری اننگز میں 279 رنز بنا کر آؤٹ ہوئی اور پاکستان کو جیت کے لیے 131 رنز کا ہدف دیا ہے۔