شوبز انڈسٹری کے معروف اداکار فیروز خان نے کینسر میں مبتلا مداح سے ملاقات کرکے اس کی خواہش پوری کردی۔
فوٹو اور ویڈیو شیئرنگ ایپ انسٹاگرام پر اداکار فیروز خان نے ویڈیو دشیئر کی جس وہ کینسر میں مبتلا اپنے مداح سے اسپتال میں ملاقات کررہے ہیں۔
ویڈیو میں دیکھا جا سکتا ہے کہ فیروز خان مداح کو سرپرائز دیتے ہیں جس پر وہ بےحد خوش ہوجاتا ہے فیروز مداح کو گلے بھی لگاتے ہیں۔
انہوں نے بتایا کہ ’ایک نامعلوم نمبر سے کال آئی اور بتایا گیا کہ ایک مداح جو کہ کینسر میں مبتلا ہے اس سے ڈاکٹرز نے وعدہ کیا ہے کہ اگر وہ علاج میں تعاون کرے گا تو اسے فیروز خان سے ملوائیں گے۔‘
فیروز خان نے بتایا کہ جب انہیں یہ بات معلوم ہوئی تو وہ اس مداح کی خواہش کو پورا کرنے اسپتال پہنچے۔
فیروز خان کے اس عمل پر انہیں مداحوں اور سوشل میڈیا صارفین کی جانب سے خوب سراہا جارہا ہے۔
سوشل میڈیا صارفین کا کہنا ہے کہ اہلیہ سے حالیہ تنازعات کے باوجود بھی فیروز خان اپنی نرم دلی کی وجہ پہلے کی طرح ہی مقبول ہیں۔