شوبز انڈسٹری کی معروف اداکارہ طوبیٰ انور کا کہنا ہے کہ جوائنٹ فیملی اگر آئیڈیل ہو تو بچوں کو اچھی تربیت ملتی ہے۔
اے آر وائی ڈیجیٹل کے ڈرامہ سیریل ’بے بی باجی کی بہوئیں‘ کی کاسٹ نے پروگرام ’گڈ مارننگ پاکستان‘ میں شرکت کی، میزبان ندا یاسر نے طوبیٰ انور سے سوال کیا کہ سسرال کے ساتھ رہنے کے تین فائدے بتائیں؟
طوبیٰ انور نے کہا کہ جوائنٹ فیملی میں دادا، دادی دیگر افراد موجود ہوتے ہیں تو اس میں بچوں کو سیکھنے کو بہت کچھ ملتا ہے۔
یہ پڑھیں: فلم اور ویب سیریز پر تبصرے اور تجزیے
اداکارہ نے کہا کہ بچوں کی تعلیم بہت ضروری ہے لیکن ان کی چیزیں شیئر کرنے اور تقسیم کرنے کی عادت یہ سب گھر میں بزرگوں سے سیکھی جاتی ہیں۔
واضح رہے کہ گزشتہ سال کے بلاک بسٹر ڈرامہ سیریل ’بے بی باجی‘ کے سیکوئل ’بے باجی کی بہوئیں‘ کی پہلی قسط گزشتہ روز نشر کی گئی۔
ڈرامے کی کاسٹ میں حسن احمد، سنیتا مارشل، جویریہ اور سعود قاسمی، طوبیٰ انور، جنید جمشید نیازی، فضل حسین شامل ہیں جبکہ سیکوئل میں افضل خان المعروف جان ریمبو، مدیحہ افتخار، رمہا احمد، اسما عباس بھی اداکاری کے جوہر دکھا رہے ہیں۔
بے بی باجی کی بہوئیں کی ہدایت کاری کے فرائض تحسین خان نے انجام دیے ہیں جبکہ اس کی کہانی ثاقب علی رانا نے لکھی ہے، ڈرامہ روزانہ شام 7 بجے اے آر وائی ڈیجیٹل پر نشر کیا جاتا ہے۔