شوبز انڈسٹری کے معروف اداکار عفان وحید نے ساتھی اداکارہ سدرہ نیازی سے شادی کی خبروں پر خاموشی توڑ دی۔
اداکار عفان وحید سے حالیہ انٹرویو میں سدرہ نیازی سے تعلقات اور شادی کرنے سے متعلق سوال پوچھا گیا جس کی انہوں نے تردید کردی۔
انٹرویو کے دوران عفان وحید سے پوچھا گیا کہ خبریں زیرِ گردش ہیں کہ آپ اور سدرہ نیازی شادی کرنے والے ہیں، کیا یہ سچ ہے؟ جس پر اداکار نے کہا کہ ایسی کوئی بات نہیں ہے، یہ محض افواہیں ہیں۔
انہوں نے واضح کیا کہ وہ اور سدرہ نیازی صرف دوست ہیں، اس سے زیادہ کچھ نہیں۔
عفان وحید نے بتایا کہ سدرہ نیازی پہلے شوبز انڈسٹری کا حصہ نہیں تھیں اسی وجہ سے لوگوں نے ہماری دوستی پر زیادہ توجہ نہیں دی تھی اب چونکہ وہ بھی اداکارہ بن گئی ہیں تو اسی وجہ سے لوگ ہماری دوستی پر توجہ دیتے ہیں۔
انہوں نے کہا کہ سدرہ نیازی سے دوستی میں میڈیا یا شوبز انڈسٹری کی کوئی مداخلت نہیں ہے بلکہ ہم پہلے سے بہت اچھے دوست ہیں اور فیملی تعلقات کی بنا پر ایک دوسرے کو جانتے ہیں۔
واضح رہے کہ عفان وحید نے سال 2016 میں پہلی شادی کی تھی لیکن ان کی شادی زیادہ عرصے نہیں چل سکی تھی اور طلاق پر ختم ہوگئی تھی۔
یاد رہے کہ عفان وحید نے اے آر وائی ڈیجیٹل کے ڈرامہ سیریل ’دو بول‘ اور ’دھوکا‘ میں اداکاری کے جوہر دکھائے تھے جبکہ سدرہ نیازی نے بھی ڈرامہ سیریل ’سکون‘ میں ’شانزے‘ کا کردار نبھایا تھا۔