کیلیفورنیا : آرٹیفیشل انٹیلیجنس (اے آئی ٹیکنالوجی) کی مدد سے خوابوں کو بھی کنٹرول کیا جاسکے گا، اس سلسلے میں ایک سائی فائی گیجٹ ہیڈ بینڈ تیار کیا گیا ہے۔
غیر ملکی خبر رساں ادارے کی رپورٹ کے مطابق اب آپ مقررہ معاوضے کے عوض اے آئی ٹیکنالوجی ہیڈ بینڈ آزما سکتے ہیں جس کے بارے میں ایک اسٹارٹ اپ کا کہنا ہے کہ ہالو ڈیوائس سے آپ کے خوابوں پر قابو پانے میں مدد ملے گی۔
اے آئی ٹیکنالوجی کی مدد سے تیار کیے جانے والے سائی فائی گیجٹ ہیڈ بینڈ کو جب کوئی بھی شخص پہن کر سوتا ہے تو اس کے خواب قابو میں رہتے ہیں اور اے آئی ٹیکنالوجی ان خوابوں کو کنٹرول کرتی ہے۔
اس ہالو ڈیوائس میں ای ای جی اور ایف ایم آر آئی ڈیٹا کا استعمال کیا گیا ہے۔ اس کو تیار کرنے والی کمپنی کا کہنا ہے کہ یہ ایک منفرد ڈیوائس ہے اور لوگوں کے لیے تجرباتی آزمائش شروع کردی گئی ہے۔ اس کی ٹرائل 100 ڈالر رکھی گئی ہے۔
INTRODUCING MORPHEUS-1
The world’s first multi-modal generative ultrasonic transformer designed to induce and stabilize lucid dreams.
Available for beta users Spring 2024 pic.twitter.com/crFJ0aNblP
— Prophetic (@PropheticAI) January 25, 2024
ہالو ایک گیجٹ ہے جسے پروپیٹک نے بنایا ہے اور یہ الٹراساؤنڈ کا استعمال روشن خوابوں کو دلانے کے لیے کرتا ہے۔ ماہرین کے مطابق اگر نیند پرسکون ہوگی تو خواب بھی اچھے آئیں گے اور انسان صحت مند رہے گا۔
اس ڈیوائس کو استعمال کرنے کے لیے ویب سائٹ پر رجسٹریشن کرائی جاسکتی ہے اور اس کے بعد اس کا ٹرائل ہوگا، پروپیٹک نے پہلے انکشاف کیا تھا کہ اس کا مقصد 2025 میں اپنے آلات کی ترسیل شروع کرنا تھا۔