گلوکارہ آئمہ بیگ کی شادی کی خوبصورت تصاویر وائرل ہوگئیں۔
سوشل میڈی پوسٹ میں گلوکارہ آئمہ بیگ نے زین احمد کے ساتھ شادی کی تصدیق کی اور لکھا کہ کل رات اپنے سب سے قریبی دوست سے شادی کرلی، الحمدللہ، ابھی تک خواب سا لگ رہا ہے، یہ واقعی ہوگیا۔
آئمہ بیگ نے مزید لکھا کہ ہمارے لیے دعا کیجئے، ہم ایک نیا سفر شروع کر رہے ہیں۔
گلوکارہ کی شادی کی تصاویر سوشل میڈیا پر وائرل ہورہی ہیں اور مداح ان کے لیے نیک خواہشات کا اظہار کررہے ہیں۔
گلوکارہ بتایا کہ فی الحال وہ کافی جذباتی اور مصروف ہیں، لیکن جلد اپنی مکمل تصاویر بھی شیئر کریں گی۔
شوبز ویب سائٹ کی رپورٹ کے مطابق آئمہ بیگ اور زین احمد نے کینیڈا میں ایک سادہ مگر خوبصورت نجی تقریب میں نکاح کیا۔
آئمہ بیگ نے سوشل میڈیا پر اس تقریب کی چند تصاویر بھی شیئر کی ہیں جن میں دونوں خوشگوار انداز میں نظر آ رہے ہیں۔
اس سے قبل آئمہ بیگ کی منگنی اداکار شہباز شگری سے ہوئی تھی تاہم کچھ عرصہ بعد دونوں نے علیحدگی کا اعلان کر دیا تھا۔