اسلام آباد: وزیر اعظم محمد نواز شریف سے پاک فضائیہ کے سربراہ ایئر مارشل سہیل امان نے ملاقات کی۔ اس موقع پر وزیر خزانہ اسحٰق ڈار اور مشیر خارجہ سرتاج عزیز بھی موجود تھے۔
وزیر اعظم ہاؤس میں ہونے والی اس ملاقات میں وزیر اعظم اور فضائیہ کے سربراہ نے پاک فضائیہ کی ترقیاتی حکمت عملی سے متعلق امور پر بات چیت کی۔
ایئر چیف نے وزیر اعظم کو پیشہ ورانہ صلاحیتوں اور تربیتی امور سے متعلق بریفنگ دی۔ ملاقات میں پاک فضائیہ کے اہداف سے متعلق امور بھی زیر غور آئے۔
Chief of Air Staff, Air Chief Marshal Sohail Aman called on Prime Minister Muhammad Nawaz Sharif in Islamabad today. pic.twitter.com/wrsVwzUitE
— PML(N) (@pmln_org) July 3, 2017
وزیر اعظم نواز شریف نے پاک فضائیہ کی پیشہ ورانہ صلاحیتوں کی تعریف کرتے ہوئے کہا کہ پاکستانی افواج کسی بھی خطرے کا منہ توڑ جواب دینے کی صلاحیت رکھتی ہیں۔
ملاقات میں وفاقی وزیر خزانہ اسحٰق ڈار اور مشیر خارجہ سرتاج عزیز بھی موجود تھے۔