شوبز انڈسٹری کی معروف اداکارہ عائزہ اعوان کی بغیر میک اپ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ عائزہ اعوان نے ویڈیو شیئر کی جس میں انہیں بغیر میک اپ کے دیکھا جاسکتا ہے پھر اچانک ہی وہ تیار ہوکر نمودار ہوتی ہیں۔
عائزہ نے ویڈیو شیئر کرتے ہوئے کیپشن میں لکھا کہ ’میں نے صرف آپ کو بتایا کہ میں کون ہوں۔‘
انہوں نے دو روز قبل یہ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
ایک مداح نے لکھا کہ ’ماشا اللہ بہت پیاری لگ رہی ہیں۔‘ دوسرے مداح کا کہنا تھا کہ ’سچ پوچھیں تو آپ جتنا زیادہ میک اپ کریں گے اتنا ہی کم خوبصورت نظر آئیں گے۔‘
عائزہ اعوان سوشل میڈیا پر کافی متحرک رہتی ہیں اور اکثر اپنی تصاویر اور ویڈیوز شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ عائزہ اعوان اے آر وائی ڈیجیٹل کے ڈرامہ سیریل ’تیرے بنا میں نہیں‘ میں ’تہنیت‘ کا مرکزی کردار نبھا رہی ہیں، ڈرامے دیگر کاسٹ میں بشریٰ انصاری، شہزاد شیخ، سونیا حسین ودیگر شامل ہیں۔
’تیرے بنا میں نہیں‘ کی ہدایت کاری کے فرائض علی مسعود نے انجام دیے ہیں جبکہ اس کی کہانی ماہا ملک نے لکھی ہے۔