بھارتی اداکارہ آکانکشا دوبے نے گزشتہ روز مبینہ طور پر خودکشی کرلی اب ان کی خودکشی سے چند قبل گھنٹے قبل کی ویڈیو منظرعام پر آئی ہے۔
بھارتی میڈیا رپورٹس کے مطابق وارانسی کے ایک ہوٹل میں مبینہ طور پر خودکشی کرنے والی بھوجپوری اداکارہ آکانکشا دوبے کو اپنی جان لینے سے چند گھنٹے قبل انسٹاگرام لائیو پر روتے ہوئے دیکھا گیا تھا۔
25 سالہ اداکارہ آکانکشا دوبے اپنی آنے والی نئی فلم کے یونٹ کے ساتھ وارانسی کے ہوٹل میں ٹھہری ہوئی تھیں اور فلم کی عکس بندی میں مصروف تھیں۔
اداکارہ کی خودکشی کے بعد متعدد حلقوں کی جانب سے اس خودکشی کے واقعے پر سوالات اٹھائے جا رہے ہیں۔ اداکارہ کے مداحوں اور سوشل میڈیا صارفین کا کہنا ہے کہ یہ خودکشی نہیں بلکہ ایک قتل ہے۔
#AkankshaDubey‘s body was found today in a Hotel room in Sarnath. She attended a birthday party last evening, she came Live on Instagram after returning, she was crying, did something wrong happened to her in the party which forced her to take this step, or this is not a sucide. pic.twitter.com/0SiqDyj5xf
— Amitabh Chaudhary (@MithilaWaala) March 26, 2023
دوسری جانب بھارتی پولیس نے معاملے کی تحقیقات شروع کر دی ہیں۔
واضح رہے کہ گزشتہ روز بھارتی اداکارہ اپنے ہوٹل کے کمرے میں مردہ حالت میں پائی گئی تھیں۔
آکانکشا دوبے 21 اکتوبر 1997 کو مرزا پور، اتر پردیش میں پیدا ہوئیں۔ انہوں نے اپنے اداکاری کیرئیر کا آغاز ٹک ٹاک اور انسٹاگرام پر اپنی مختصر اداکاری کی ویڈیو شیئر کرکے کیا۔