اسرائیل نے حماس کے شہید رہنما اسماعیل ہنیہ کو خراج عقیدت پیش کرنے پر مسجدِ اقصیٰ کے امام کو گرفتار کر لیا۔
اسرائیل کے قومی سلامتی کے وزیر بین گویر کا کہنا ہے کہ امام عکرمہ صبری کو اس الزام کے بعد حراست میں لیا گیا ہے کہ انہوں نے حماس کے مقتول رہنما ہنیہ کی تعظیم میں خطبہ دیا تھا۔
بین گویر نے ایک سوشل میڈیا پوسٹ میں کہا کہ بھڑکانے والوں کے بارے میں میری پالیسی واضح ہے کہ زیرو ٹالرینس۔
واضح رہے کہ حماس کے سربراہ اسماعیل ہنیہ کی پاکستان سمیت دنیا بھر کی مساجد میں غائبانہ نماز جنازہ ادا کی گئی اور ان اجتماعات میں بڑی تعداد میں لوگوں نے شرکت کی۔
مسجد اقصیٰ میں اسرائیلی پابندیوں کے باوجود فلسطینیوں نے اسماعیل ہنیہ کی غائبانہ نماز جنازہ میں شرکت کی اور انہیں خراج عقیدت بھی پیش کیا۔