لاہور: پاکستان تحریک انصاف کے رہنما علیم خان کی رہائی کے لیے درخواست ضمانت پر آج سماعت ہوگی۔
تفصیلات کے مطابق لاہور ہائی کورٹ میں پاکستان تحریک انصاف کے رہنما علیم خان کی رہائی کے لیے درخواست ضمانت پر سماعت ہوگی۔
عدالت نے گزشتہ سماعت کے دوران علیم خان کے وکیل سے استفسار کیا تھا کہ نیب نے کس بنیاد پر آپ کے موکل کے خلاف انکوائری شروع کی؟۔
تحریک انصاف کے وکیل نے بتایا کہ آمدن سے زائد اثاثے اور آف شور کمپنیز کا الزام لگا کر انکوائری شروع کی۔
لاہور ہائی کورٹ نے ریمارکس دیے کہ آپ کے موکل پر نیب نے الزام لگایا ہے کہ انہوں نے بطور ممبر پنجاب اسمبلی اپنے اختیارات کا ناجائز استعمال کرکے اثاثے بنانے، آپ یہ بتائیں علیم خان کس دورانیے میں ممبر صوبائی اسمبلی رہے ہیں؟
علیم خان کے وکیل نے عدالت کو بتایا کہ 2003 سے 2007 تک علیم خان وزیر انفارمیشن ٹیکنالوجی رہے، 2000 سے 2003 تک سیکرٹری کوآپریٹو سوسائٹی کا عہدہ بھی تھا
لاہور ہائی کورٹ نے آف شورکمپنیوں کا ریکارڈ میہا کرنے کا حکم دیتے ہوئے درخواست ضمانت پر سماعت 6 مئی تک ملتوی کردی۔