رہنما تحریک انصاف کی والدہ ریحانہ ڈار نے کہا ہے کہ الحمدللہ میرا بہادر بیٹا عمر ڈار آج 2 ماہ بعد گھر واپس لوٹ آیا ہے۔
تفصیلات کے مطابق الیکشن میں پی ٹی آئی کی حمایت یافتہ آزاد امیدوار کی حیثیت سے حصہ لینے والے ریحانہ ڈار نے بتایا کہ میرے جگر کا ٹکڑا ماں کے سینے سے لپٹا تو لگا دنیا جہان کی ہرخوشی مل گئی ہو۔
ریحانہ ڈارکا اپنے پیغام میں کہنا تھا کہ میرے گھر کی رونق واپس لوٹنے پر اپنے اللہ کا جتنا شکر ادا کروں وہ کم ہے۔
انھوں نے کہا کہ مشکل کی گھڑی میں ہمارا سہارا اور آواز بننے والے ہر فرد کی شکر گزار ہوں۔ میڈیا کے ان لوگوں کا بھی شکریہ جو میرے لیے آواز بلند کرتے رہے۔
رہنما تحریک انصاف عمرڈار کی والدہ کا کہنا تھا کہ عمر نے آتے ہی پاکستان تحریک انصاف کا جھنڈا تھام لیا ہے۔
ریحانہ ڈار نے کہا کہ انشااللہ اپنے بیٹے کیساتھ مل کر بانی پی ٹی آئی کے نظریے کیلئے جدوجہد کروں گی۔ انھوں نے اپنے پیغام میں پاکستان زندہ باد کا نعرہ بھی لگایا۔