کراچی: پاکستان کے عالمی شہرت یافتہ گلوکار و اداکار علی ظفر نے مداح کے سوال پر اپنی خوبصورتی کا راز بتا کر سب کو حیران کر دیا۔
سماجی رابطوں کی ویب سائٹ ایکس پر گلوکار و اداکار علی ظفر سے ان کے ایک مداح نے سوال کیا کہ یہ بتائیں آپ کے چہرے پر اتنا نکھار کیسے آتا ہے؟
اس پر علی ظفر نے تفصیلی جواب دیا۔ انہوں نے لکھا کہ ’کبھی ایسی کریم استعمال نہ کریں جس پر خوبصورتی، گورا پن اور نکھار (Glow) جیسے فینسی الفاظ لکھے ہوں، در حقیقت نکھار اندر سے آتا ہے۔
گلوکار و اداکار نے اپنے جواب کو مزید واضح کیا کہ ’روزانہ ایک اچھا موئسچرائزر اور سن بلاک استعمال کریں، اچھا سوچیں، نیت صاف رکھیں، اچھا کھائیں پیئیں، روح کو پاک رکھیں، غیبت مت کریں، ورزش کریں، اور والدین کی خدمت کریں اس سے سب چمک جائے گا۔‘
Never use any cream that says “fairness” “whiteness” or fancy words like “glow”. Glow ander se aata hai 🙂
But yes, use a good moisturiser and sun block daily.
Baqy, Acha socho, niyaat saaf rakho, acha khayo piyo, rooh ko paak rakho, gheebat mat kero, varzish kero….aur haan,… https://t.co/mdVXrhraaZ— Ali Zafar (@AliZafarsays) January 3, 2024
ایکس پر علی ظفر کے جواب کو ان کے مداحوں کی جانب سے خوب سراہا گیا جبکہ دیگر صارفین نے بھی ان کی تعریف کی۔
علی ظفر کو نہ صرف پاکستان بلکہ بھارت اور دنیا کے دیگر ممالک میں پسند کیا جاتا ہے۔ انہوں نے گلوکاری سے اپنا کیریئر شروع کیا اور بعد میں اسکرین پر بھی جلوہ گر ہوئے۔