پاکستان تحریک انصاف کے رہنما علی زیدی نے کہا ہے کہ وزیر خارجہ بلاول بھٹو نے اپنے بیرونی دوروں کی نصف سنچری مکمل کرلی ہے۔
اے آر وائی نیوز کے مطابق پاکستان تحریک انصاف سندھ کے صدر اور سابق وفاقی وزیر علی زیدی نے سماجی رابطوں کی ویب سائٹ ٹوئٹر پر وزیر خارجہ بلاول بھٹو زرداری کے غیر ملکی دوروں کے حوالے سے ٹویٹ کیا ہے۔
علی زیدی نے اپنے ٹویٹ میں کہا ہے کہ بلاول بھٹو نے بیرونی دوروں کی نصف سنچری کر دی لیکن ان دوروں میں بلاول کو 50 ڈالر بھی نہیں ملے۔
پی ٹی آئی رہنما نے مزید کہا کہ اربوں روپے کے دوروں سے ملکی خزانے کو کتنا چونا لگایا گیا؟ جب سندھ ڈوب رہا تھا تو وزیر خارجہ دنیا گھوم رہا تھا۔
بلاول نے بیرونی دوروں کی نصف سینچری تو کر دی لیکن اس کو بھیک میں 50 ڈالر بھی نہیں ملے!
اربوں روپے کے دوروں سے ملکی خزانے کو کتنا چونا لگایا گیا؟
جب سندھ ڈوب رہا تھا، یہ مستی میں گھوم رہا تھا!
کیا بلاول آجکل آیان علی کے فرائض انجام دے رہا ہے؟#بلاول_کی_نصف_سنچری pic.twitter.com/8PwZybaDqe
— Ali Haider Zaidi (@AliHZaidiPTI) February 23, 2023
واضح رہے کہ بلاول بھٹو زرداری جب سے وزیر خارجہ بنے ہیں وہ ملک میں کم اور بیرون ملک زیادہ نظر آئے ہیں۔ ان کے غیر ملکی دوروں پر اپوزیشن رہنما اس سے قبل بھی انہیں تنقید کا نشانہ بناتے رہے ہیں۔