بالی ووڈ کی معروف اداکارہ اور رنبیر کپور کی اہلیہ عالیہ بھٹ نے اپنے گھر کے دو ملازموں کو 50، 50 لاکھ کا تحفہ دے کر سب کو حیران کردیا۔
بھارتی ذرائع ابلاغ کے مطابق عالیہ بھٹ نہ صرف بہترین اداکارہ ہیں بلکہ ان کا دل بھی بہت بڑا ہے، انھوں نے 2019 میں اپنے ڈرائیور اور ملازمہ کو 50، 50 لاکھ روپے فی کس دیے تاکہ وہ اپنے خوابوں کو حقیقت میں بدلیں اور اپنا گھر بناسکیں۔
عالیہ نے تقریباً 6 سال قبل اپنے ڈرائیور سنیل اور گھریلو ملازمہ امول کو اپنا گھر خریدنے کیلئے یہ رقم دی کیوں کہ وہ دنوں کافی عرصے سے اداکارہ کے ملازم ہیں۔
میڈیا رپورٹس کے مطابق 2012 سے عالیہ کے ڈرائیور اور ملازمہ اداکارہ کیلئے فرائض نبھارہے ہیں اور دونوں ان کے گھر کے فرد جیسے ہیں، یہی وجہ ہے کہ دونوں ملازمین کو اداکارہ نے 50 ، 50 لاکھ کی رقم تحفے میں دی۔
اداکارہ نے جو رقم ملازمین کو دی انھوں نے اس سے ممبئی میں گھر خریدے، عالیہ بھٹ نے 2019 میں ملازمین کو یہ خاص تحفہ دیا جس دن ان کی سالگرہ تھی۔