اسلام آباد : فیڈرل بورڈ آف ریونیو (ایف بی ار) مبینہ کرپشن پر تین افسران کو او ایس ڈی بنا کر ایک کا ٹرانسفر کردیا گیا۔
تفصیلات کے مطابق فیڈرل بورڈ آف ریونیو (ایف بی ار) نے 4 سنئیر انکم ٹیکس افسران کے خلاف ایکشن لیتے ہوئے تین افسران کو او ایس ڈی اور ایک کا ٹرانسفر کر دیا۔
اس حوالے سے نوٹیفکیشن جاری کردیا گیا ہے ، جس میں کہا ہے کہ گریڈ 21 کے چیف کمشنر ایل ٹی او لاہور محمود جعفری ممبر ایف بی ار تبادلہ کیا گیا جبکہ گریڈ 20 کے چیف کمشنر ار ٹی او لاہور امجد فاروق کو ایڈمن پول ایف بی ار میں ٹرانسفرکیا گیا۔
گریڈ 20 کے کمشنر زون II ایل ٹی او لاہور رانا وقار کو ایڈمن پول میں ٹرانسفر کیا گیا ہے۔
نوٹیفکیشن کے مطابق گریڈ 18 کے ڈی سی خرم فخر صدیقی کو 120 روز کے لیے معطل کر دیا گیا۔
ذرائع کے مطابق افسران ٹیکس ریفنڈز معاملہ میں مبینہ کرپشن میں ملوث تھے، افسران کے درمیان ٹیکس ریفنڈز معاملہ میں حصہ نہ ملنے پر سخت جملوں کا تبادلہ بھی ہوا، ٹیکس ریفنڈ کے معاملے پر ایک افسر نے دوسرے افسر پر بندوق بھی تان لی تھی۔