بھارتی بزنس ٹائیکون اور صنعت کار مکیش امبانی کے بیٹے آننت امبانی کی شادی پر پاکستانی اداکارائیں مشی خان اور صبا فیصل آمنے سامنے آگئیں۔
پچھلے کچھ دنوں سے آننت امبانی اور رادھیکا مرچنٹ کی سنگیت کی تقریب کی ویڈیوز سوشل میڈیا پر گردش کر رہی ہیں جن میں دنیا کے نامور فنکاروں کو پرفارم کرتے ہوئے دیکھا جا سکتا ہے۔
نامور پاکستانی اداکارہ مشی خان نے اس پر ایک ویڈیو بنائی اور اپنی رائے کا اظہار کیا۔ مشی خان کا کہنا ہے کہ شادی سے پہلے کی اتنی طویل تقریبات فضول ہیں اور اب انہیں ختم ہونا چاہیے۔
مشی خان کی مذکورہ ویڈیو پر جہاں سوشل میڈیا صارفین نے ملا جلا ردعمل دیا وہیں معروف اداکارہ صبا فیصل نے بھی اپنی ناپسندگی کا اظہار کیا۔
View this post on Instagram
صبا فیصل نے مشی خان کی ویڈیو اپنی انسٹاگرام اسٹوری پر شیئر کرتے ہوئے لکھا کہ وہ اپنی زندگی سے لطف اندوز ہو رہے ہیں تو انہیں ہونے دیں۔
صبا فیصل نے مزید لکھا کہ وہ اپنی دولت اپنی خوشیوں پر خرچ کر رہے ہیں، اُن کی خوشی کو آپ بھی انجوائے کریں۔
اس کے جواب میں مشی خان نے لکھا کہ میں لوگوں کی خوشیاں بہت انجوائے کرتی ہوں، یہ میری اپنی سوچ ہے۔ انہوں نے کہا کہ پیڈ پروموشن نہیں بلکہ بڑا فرق ہے، آپ بھی اسے انجوائے کریں۔