شوبز انڈسٹری کی ابھرتی ہوئی اداکارہ عمارہ چوہدری پروفیشنل پائلٹ بن گئیں۔
فوٹو اور ویڈیو شیئرنگ ایپ انسٹاگرام پر اداکارہ عمارہ چوہدری نے چند تصاویر شیئر کیں جس میں انہیں طیارے کے پاس کھڑے ہوکر لائسنس تھامے خوشگوار موڈ میں دیکھا جاسکتا ہے۔
عمارہ چوہدری نے قرآنی آیت شیئر کرتے ہوئے لکھا کہ ’میں اپنی سالگرہ کا انتظار کررہی تھی، اللہ کی اس عظیم نعمت کو آپ سب کے ساتھ بانٹنے کے لیے، آخرکار لائسنس یافتہ کمرشل پائلٹ بن گئی ہوں۔‘
View this post on Instagram
انہوں نے چند گھنٹوں قبل پوسٹ شیئر کی جسے مداحوں کی جانب سے سراہا جارہا ہے اور انہیں مبارک باد دی جارہی ہے۔
اس سے قبل عمارہ چوہدری نے اس حوالے سے ایک انٹرویو دیتے ہوئے کہا تھا کہ وہ کامیابی کے ساتھ پرائیوٹ پائلٹ تو بن گئی ہیں لیکن ابھی ان کا کمرشل پائلٹ بننے کا خواب پورا ہونا باقی ہے جس کے لیے انہوں نے فارمل ٹریننگ کرنا شروع کردی ہے۔
View this post on Instagram
اداکارہ نے باقاعدہ پائلٹ کا لائسنس حاصل کرنے کے بعد پائلٹ کا یونیفارم پہنے اپنی چند تصاویر انسٹاگرام اکاؤنٹ پر شیئر کی تھیں جسے ان کے مداحوں کی جانب سے بہت پسند کیا گیا تھا۔
واضح رہے کہ عمارہ چوہدری اے آر وائی ڈیجیٹل کے ڈرامہ سیریل ’بلا‘ سمیت متعدد ڈراموں میں بھی اداکاری کے جوہر دکھا چکی ہیں۔