اسلام آباد: فیڈرل بورڈ آف ریونیو (ایف بی آر) کا اسمگل شدہ گاڑیوں کیلیے ایمنسٹی اسکیم سے متعلق گردش کرتی خبروں پر ردعمل آگیا۔
ترجمان ایب بی آر نے بتایا کہ نوٹس میں یہ بات آئی ہے کہ سوشل میڈیا پر اسمگل شدہ گاڑیوں کو ریگولرائز کرنے کے حوالے سے ایمنسٹی اسکیم کے بارے میں کچھ افواہیں گردش کر رہی ہیں۔
انہوں نے بتایا کہ ایف بی آر ان افواہوں کی تردید کرتا ہے اور یہ واضح کرنا چاہتا ہے کہ اس وقت ایسی کوئی اسکیم وفاقی حکومت کے زیرِ غور نہیں ہے۔
ایف بی آر نے کہا کہ عام لوگوں کو ہدایت کی جاتی ہے کہ وہ سوشل میڈیا پر گردش کرنے والی یا کسی دوسرے غیر تصدیق شدہ ذرائع سے موصول ہونے والی گمراہ کن خبروں پر یقین نہ کریں۔