وزیراعظم کی ہدایت پر رمضان میں عوام کو ریلیف دینےکیلئےپنجاب حکومت کا اہم اقدام، آٹا، چینی، سبزیوں سمیت منتخب اشیا ضروریہ پر سبسڈی کیلئےخصوصی پیکج کی تیاری شروع کر دی گئی۔
وزیراعلیٰ پنجاب کی ہدایت پر رمضان پیکج کیلئے سفارشات تیاری کیلئے قائم کمیٹی کا اجلاس ہوا جس میں وزیر صنعت ، چیف سیکرٹری، محکمہ زراعت،صنعت،لائیواسٹاک کےسیکرٹریز نے شرکت کی جب کہ اجلاس میں کمشنرلاہور،ڈائریکٹرفوڈ،ڈی جی پی آر اور کین کمشنر پنجاب بھی شریک ہوئے۔
اجلاس میں رمضان بازاروں میں اشیا کی رعایتی نرخوں پر فراہمی کیلئےمختلف تجاویز پر غور کیا گیا۔ صوبائی وزرا اور محکموں کےسیکرٹریز کو مانیٹرنگ کےفرائض تفویض کرنےکا فیصلہ کیا گیا۔
صوبائی وزیر میاں اسلم نے کہا کہ عام آدمی کوزیادہ ریلیف دینےکیلئےہرممکن اقدامات کئےجائیں گے، رمضان پیکج کیلئےسفارشات کو جلدازجلدحتمی شکل د ی جائے گی۔
چیف سیکرٹری کا کہنا ہے کہ صارفین کوریلیف کیلئےرمضان بازاروں میں بہترین انتظامات کئےجائیں، رمضان بازاروں کی مانیٹرنگ کیلئےجدیدٹیکنالوجی کو بروئےکار لایا جائے۔