عالمی نمبر ایک ٹینس اسٹار نواک جوکووچ ٹوکیو اولمپکس میں ایک اور شکست پر غصے میں آگئے جس کی ویڈیو وائرل ہوگئی۔
تفصیلات کے مطابق عالمی نمبر ایک سربین ٹینس اسٹار نواک جوکووچ کو اسپین کے پابلو کرینو بُسٹا نے شکست دے کر کانسی کے تمغے سے بھی محروم کردیا۔
سربین کھلاڑی شکست کے بعد غصے پر قابو نہ رکھ سکے اور ریکٹ کو زور سے نیٹ پر دے مارا۔
شکست کے بعد جوکووچ مسکڈ ڈبل کے مقابلوں سے بھی دستبردار ہوگئے اور ٹوکیو اولمپکس میں ان کا سفر خالی ہاتھ ہی تمام ہوگیا۔
#Djokovic smashing his racket, taking cooling showers and throwing his racket at the stands is the highlight of his failed attempt to even win bronze medal at the #Tokyo2020 pic.twitter.com/F4c3j2cDNB
— Ekrem Idrizi (@EkremIdrizi) July 31, 2021
واضح رہے کہ جوکووچ نے گزشتہ سال یو ایس اوپن میں کرینو بُسٹا کے خلاف ہی میچ میں نادانستہ طور پر ایک گیند کو لائن جج کو دے مارا تھا۔
یاد رہے کہ گزشتہ دنوں عالمی نمبر ایک ٹینس اسٹار نواک جوکووچ اولمپک ٹینس کے سیمی فائنل میں الیگزینڈرا زویو سے شکست کھا گئے تھے۔
جوکووچ کی ’گولڈن سلم‘ جیتنے کی امیدوں پر پانی پھر گیا، 24 سالہ زیو نے 1-6، 6-3 اور 6-1 سے فتح سمیٹی۔
گزشتہ دنوں ٹوکیو اولمپکس 2020 میں ایک بڑا اپ سیٹ اُس وقت سامنے آیا تھا جب جاپان کی ٹینس اسٹار ناؤمی اوساکا کو اپنی ہی سرزمین پر شکست کا سامنا کرنا پڑا تھا۔