بالی ووڈ کے معروف اداکار رنبیر کپور کی فلم اینیمل کے ڈیلیٹ سین سوشل میڈیا پر وائرل ہوگئے۔
بھارتی میڈیا رپورٹس کے مطابق سندیپ ریڈی وانگا کی ہدایت کاری میں بنائی جانے والی فلم اینیمل نے ریلیز ہوتے ہی باکس آفس پر دھوم مچائی ہوئی ہے اور فلم نے ریلیز کے چار دنوں میں ہی دنیا بھر میں 425 کروڑ کا بزنس کرلیا ہے۔
تاہم اب سوشل میڈیا صارفین فلم ’اینیمل‘ کے کچھ ایسے سین منظر عام پر لے آئے ہیں جن کے بارے میں ان کا دعویٰ ہے کہ یہ سین ریلیز سے قبل فلم سے ڈیلیٹ کردیے گئے تھے۔
E few seconds mv lo ledhu anukunta ga wait chesa idhi vastadi emo ani..#AnimalMovie pic.twitter.com/DtU6LPA5lB
— VIHU Reddy (@VihuTweets) December 1, 2023
واضح رہے کہ جب اینیمل کا ٹریلر ریلیز ہوا تب سے ہی اس فلم کا دورانیہ میڈیا کی خبروں کا مرکز رہا تھا۔
دراصل یہ فلم اصل میں 3 گھنٹے 51 منٹ طویل دورانیے کی تھی لیکن بعد میں فلم کے دورانیے کو کم کرنے کے لیے اس میں سے کچھ ایسے سین ڈیلیٹ کردیے گئے جنہیں ڈیلیٹ کرنے سے فلم کی کہانی متاثر نہ ہو۔
جس کے بعد اب سندیپ ریڈی وانگا کی ہدایت کاری میں بننے والی اس فلم کا دورانیہ 3 گھنٹے 21 منٹ ہے۔
واضح رہے کہ اینیمل میں رنبیر کپور، انیل کپور، بوبی دیول (ولن) اور رشمیکا مندانا مرکزی کرداروں میں شامل ہیں۔