پیپلزپارٹی کی بلوچستان سے ایک اور سیاسی کامیابی

پیپلزپارٹی کو بلوچستان سے ایک اور سیاسی کامیابی مل گئی۔ پیپلزپارٹی کے بلوچستان سے نو منتخب آزاد ایم پی اے سے معاملات طے پا گئے۔

ذرائع کے مطابق آزاد رکن بلوچستان اسمبلی بخت محمد کاکڑ کا پی پی میں شمولیت کا فیصلہ کیا ہے جس کے لیے بخت محمد کاکڑ اسلام آباد پہنچ گئے ہیں۔

آزاد ایم پی اے بخت محمد کاکڑ آج پیپلزپارٹی قیادت سے ملاقات کریں گے اور پی پی میں شمولیت کا اعلان کریں گے۔

https://urdu.arynews.tv/two-newly-elected-independents-join-pml-n/

بخت محمد کاکڑ پی بی 39 کوئٹہ سے آزاد حیثیت میں ایم پی اے منتخب ہوئے تھے انہوں نے جے یو آئی کے سید عبدالواحد کو شکست دی تھی۔

بلوچستان سے کامیاب تین آزاد امیدوار پی پی میں شمولیت کر چکے ہیں۔ بخت کاکڑ کے بعد پی پی میں شامل ہونے آزاد امیدواروں کی تعداد چار ہو جائے گی۔

بلوچستان سے کل چھ امیدوار آزاد حیثیت میں ایم پی اے منتخب ہوئے ہیں۔ چار آزاد امیدوار پیپلزپارٹی، دو ن لیگ میں شمولیت اختیار کر گئے ہیں۔ اسفندیار کاکڑ، مولوی نور اللہ، لیاقت لہڑی پی پی میں شامل ہو چکے ہیں۔