ایک اور صوبے نے روٹی کی قیمت میں کمی کر دی

پنجاب کے بعد خیبرپختونخوا میں بھی روٹی کی نئی قیمت مقرر کر دی گئی۔

وزیراعلیٰ کےپی نے صوبے میں روٹی کی قیمت میں 5 روپےکمی کا اعلان کر دیا۔ وزیرخوراک ظاہرشاہ کے مطابق 100 گرام روٹی کی قیمت 15 روپے اور 200 گرام کی قیمت 30 روپے ہو گی۔

انہوں نے کہا کہ کےپی حکومت عوام کی فلاح وبہبود کیلئے اقدامات کرتی رہےگی صوبے کے عوام کو ریلیف دینے کیلئے مزید انقلابی اور عوام دوست اقدامات کئےجائیں گے، حکومت عوامی خدمت کے حوالے سے ایک بار پھر بازی لے گئی۔

وزیراعلیٰ پنجاب مریم نواز نے ٹوئٹ میں اعلان کیا کہ الحمدللہ پنجاب میں آج سے روٹی کی قیمت 16 روپے فی روٹی مقرر کر دی گئی ہے۔

وزیراعلی ٰپنجاب کی ہدایت پر ڈی سی  لاہور نے روٹی نان کی نئی قیمت کانوٹیفکیشن جاری کر دیا۔ 100 گرام روٹی کی قیمت 16روپے اور 120 گرام نان کی قیمت 20روپے مقرر کی گئی ہے۔