اداکارہ و میزبان انوشے اشرف نے ’گڈ مارننگ پاکستان‘ میں شادی کی دلچسپ کہانی سنا دی۔
اداکارہ انوشے اشرف کی شادی کی تقریبات کا آغاز اپریل میں ترکیہ میں ہوا تھا جس کی تصاویر اور ویڈیوز سوشل میڈیا پر وائرل ہوگئیں تھیں۔
گزشتہ سال 30جون کو اداکارہ نے اپنے دوست شہاب نامی شخص کے ساتھ اپنے خاندان والوں کی موجودگی میں نکاح کیا تھا۔
یہ پڑھیں: انوشے اشرف استنبول میں رشتہ ازدواج میں منسلک
اب اداکارہ نے پروگرام ’گڈ مارننگ پاکستان‘ میں شادی کی کہانی بیان کی ہے۔
انہوں نے بتایا کہ شوہر انگلینڈ میں رہتے تھے یہ بچپن میں پاکستان آئے تھے ہماری ساتھ تصویر ہے اب وہ کہتے ہیں کہ تم مسکرا رہی ہو اور کہہ رہی ہو کہ اسی سے شادی کروں گی۔
انوشے اشرف کا کہنا تھا کہ 2020 میں لاک ڈاؤن سے قبل مجھے برطانیہ جانا تھا، والدہ کو بھی ساتھ لے گئی تھی جب وہاں پہنچے تو شاہاب کی والدہ نے کھانے کی دعوت دی، وہ والدین کے ساتھ نہیں رہتے لیکن اس دن وہ وہاں موجود تھے۔
اداکارہ کے مطابق جب شہاب نے دیکھا تو وہ حیران رہ گئے اور پوچھا کہ شادی نہیں ہوئی میں نے بتایا کہ نہیں ہوئی پھر ہم نے واٹس ایپ نمبرز کا تبادلہ کیا، اس کے بعد رابطے میں رہے، میں دوبارہ گئی تو ہم ملے پھر شادی طے ہوگئی۔
انہوں نے کہا کہ وہ رئیل اسٹیٹ کے شعبے سے وابستہ ہیں اور کیمسٹری میں تعلیم حاصل کی ہے، ان کے والد ریاض میں کام کرتے تھے پھر برطانیہ منتقل ہوگئے۔