شوبز انڈسٹری کے سینئر مزاحیہ اداکار انور علی کے آخری لمحات کا ذکرتے ہوئے بیٹا آبدیدہ ہوگیا۔
اداکار انور علی پی ٹی وی کے سینئر اداکار ہیں جو دو روز قبل طویل علالت کے بعد 71 برس کی عمر میں انتقال کرگئے جنہیں آج سپرد خاک کیا گیا۔
انور علی نے خدابخش، نشانی، اندھیرا اجالا، ابابیل، ہوم سویٹ ہوم، کامیڈی تھیٹر اور مختلف ڈراموں میں کردار ادا کیے۔
وہ اسٹیج کے ایک مشہور اداکار بھی تھے جنہوں نے اپنی بہترین مزاحیہ ٹائمنگ، تاثراتی اداکاری اور باڈی لینگویج کی وجہ سے شہرت حاصل کی۔ انہوں نے 2017 میں شوبز چھوڑ کر خود کو مذہبی زندگی کے لیے وقف کر دیا۔
یہ پڑھیں: اداکار انور علی نے اپنی فنکارانہ زندگی کیسے گزاری؟
حال ہی میں انور علی کے بیٹے نے علی حمزہ نے اسپتال میں اپنے والد کے آخری دنوں کے بارے میں بات کی۔
انور علی کے بیٹے نے کہا کہ وہ صرف میرا نام لے رہے تھے اور کہہ رہے تھے کہ کہیں مت جاؤ۔ میں 17 دن تک اسپتال میں رہا، میں نے اپنی بہن کو ویڈیو کال کی، اور انہوں نے فوراً کہا کہ "وہ میری بیٹی ہے۔” انہیں علم تھا وہ جلد انتقال کرجائیں گے۔
ان کے بیٹے نے مداحوں سے بھی درخواست کی کہ وہ اپنے والد کو اپنی دعاؤں میں یاد رکھیں۔مداح اور سوشل میڈیا صارفین سینئر اداکار کی مغفرت اور بلندی درجات کے لیے دعاگو ہیں۔