بگ باس سے مقبول ہونے والے یوٹیوبر ارمان ملک اور ان کی دو بیویوں پائل اور کریتکا بڑی مشکل میں پھنس گئے۔
بھارتی میڈیا رپورٹ کے مطابق یوٹیوبر ارمان ملک کو دو بیویوں سمیت پٹیالہ کی عدالت نے ایک سے زائد شادیوں کے خلاف شکایت درج ہونے کے بعد ستمبر میں طلب کیا ہے۔
یوٹیوبر ارمان ملک نے دو خواتین پائل اور کریتکا سے شادی کی ہے تاہم ان کی چوتھی شادی کے بارے میں بھی قیاس آرائیاں کی جا رہی تھیں۔
دیویندر راجپوت نامی شخص نے ان تینوں کے خلاف ہندوؤں کے جذبات مجروح کرنے کی درخواست دائر کی تھی۔
لائیو ہندوستان کی رپورٹ کے مطابق درخواست گزار نے ارمان ملک پر چار بار شادی کرنے کا الزام لگایا جب کہ ہندو مذہب صرف ایک شادی کی اجازت دیتا ہے۔ درخواست گزار نے پائل ملک پر اپنی ایک سوشل میڈیا پوسٹ کے لیے دیوی کالی کا لباس پہن کر ہندوؤں کے جذبات کو ٹھیس پہنچانے کا الزام بھی لگایا۔
یہ پڑھیں: ارب پتی یوٹیوبر مسٹر بیسٹ شادی کےلیے رقم ادھار لینے پر مجبور
درخواست میں ان کے خلاف بھارتی قوانین کے تحت سخت کارروائی کا بھی مطالبہ کیا گیا ہے۔
عدالت نے تینوں کو 2 ستمبر 2025 کو عدالت میں پیش ہونے کے لیے طلب کیا ہے، تاہم اس پر ان میں سے کسی کی جانب سے کوئی سرکاری تبصرہ نہیں کیا گیا ہے۔
پائل ملک اس ویڈیو کی وجہ سے خود کو کافی تنازعات میں گھری ہوئی تھیں جہاں انہوں نے دیوی کالی کا لباس پہنا ہوا تھا۔ اس نے اپنے ساتھی ارمان کے ساتھ معافی مانگنے کے لیے بہت سے مندروں کا دورہ کیا۔ پائل نے سوشل میڈیا پر ویڈیوز بھی پوسٹ کیں تاکہ یہ ظاہر کیا جا سکے کہ وہ اپنے کیے پر معذرت خواہ ہیں۔