راولپنڈی : آرمی چیف جنرل سیدعاصم منیر کا کہنا ہے کہ امام مسجد نبوی ﷺ کا دورہ پاکستان عوام کے لیے اعزاز کی بات ہے۔
پاک فوج کے شعبہ تعلقات عامہ ( آئی ایس پی آر ) کی جانب سے جاری بیان میں کہا کہ امام مسجد نبویﷺ ڈاکٹر صلاح بن محمد البدیر نے جنرل ہیڈ کوارٹرز کا دورہ کیا، آرمی چیف جنرل سیدعاصم منیر نےمعزز مہمان کا خیرمقدم کیا۔
آئی ایس پی آر کا کہنا تھا کہ آرمی چیف سے ڈاکٹر صلاح بن محمد البدیر کی ملاقات ہوئی ، جس میں باہمی دلچسپی کے امور پر تبادلہ خیال کیا گیا اور پاک سعودی تعلقات پر اطمینان کا اظہار کیا۔
اس موقع پر آرمی چیف نے کہا کہ امام مسجد نبوی ﷺ کا دورہ پاکستان عوام کے لیے اعزاز کی بات ہے۔
ڈاکٹر صلاح بن محمد البدیر کا کہنا تھا کہ پاکستان کا مسلم دنیا میں ایک اہم مقام ہے، پاکستان خطے میں امن کیلئےبھرپور کردار ادا کر رہا ہے۔.
ڈاکٹر صلاح بن محمد البدیر نے امت مسلمہ کی سلامتی، استحکام اوراتحاد کیلئےدعا بھی کی۔