ARYNews.tv | Urdu – Har Lamha Bakhabar

ارشدیپ سنگھ ہیں بھارتی بولر، مگر خطاب مل گیا ’’رن مشین‘‘ کا!

Written by

ویب ڈیسک

in

,

جنوبی افریقہ کے خلاف دوسرے ٹی ٹوئنٹی میں رنز کی گنگا بہانے والے بھارتی بولر ارشدیپ کو ناراض شائقین کرکٹ نے رنز مشین کا خطاب دے دیا۔

کرکٹ کی دنیا میں رنز مشین اس بلے باز کو کہا جاتا ہے جس کے بیٹ سے ہر وقت رنز کا خزانہ اگلتا رہتا ہے اور وہ تسلسل سے بیٹنگ پرفارمنس دیتا ہے لیکن سوشل میڈیا پر صارفین نے بھارتی میڈیم فاسٹ بولر ارشدیپ سنگھ کو ہی رنز مشین قرار دے دیا۔

بھارت جو جنوبی افریقہ کے دورے پر ہے وہاں دوسرے ٹی ٹوئنٹی میچ میں بھارتی فاسٹ بولر ارشدیپ سنگھ نے دو اوورز میں پروٹیز بیٹر کو 31 رنز کا موقع فراہم کیا۔ بارش سے متاثرہ یہ میچ جنوبی افریقہ نے ڈک ورتھ لوئس سسٹم کے تحت 5 وکٹوں سے جیتا تو پھر تو سوشل میڈیا پر طوفان آ گیا اور بھارتی شائقین کرکٹ بولر کی اس کارکردگی پر اتنے برہم ہوئے کہ ارشدیپ کو طنزیہ رن مشین قرار دے دیا۔

سینٹ جارج پارک میں ہونے والے اس میچ میں بھارت نے پہلے بیٹنگ کرتے ہوئے حریف ٹیم کو جیت کے لیے 181 رنز کا ہدف دیا میچ بارش سے متاثر ہوا جس پر میچ کو 15 اوورز پر محدود کر کے ہدف 154 کر دیا گیا اور پروٹیز یہ ہدف 13.5 اوورز میں حاصل کر کے تین میچوں کی سیریز میں ایک صفر کی نا قابل شکست برتری حاصل کر لی کیونکہ پہلا میچ بارش کے باعث نہیں ہو سکا تھا۔ سیریز کا تیسرا اور آخری میچ کل (جمعرات) جوہانسبرگ کے نیو وانڈررز اسٹیڈیم میں ہوگا۔

اس میچ میں بائیں ہاتھ کے تیز گیند کرنے والے ارشدیپ سنگھ نے دو اوورز کرائے جس میں بغیر کوئی وکٹ لیے 31 رنز دیے جس کے پہلے اوور میں ہی پروٹیز بیٹر نے 24 رنز بٹورے جس نے جنوبی افریقہ کی جیت کے سفر کو آسان بنایا۔

اس سے قبل ارشدیپ حال ہی میں آسٹریلیا کے خلاف پانچ ٹی ٹوئنٹی میچوں کی ہوم سیریز میں بھی سب سے مہنگے بولر رہے تھے جس میں انہوں نے 10.69 کی اکانومی ریٹ سے صرف چار وکٹیں حاصل کیں۔

بولر نے اب تک 41 ٹی ٹوئنٹی انٹرنیشنل میں 8.42 کی اکانومی سے 58 وکٹیں حاصل کر رکھی ہیں جس میں ایک بار پانچ وکٹوں کی کارکردگی بھی شامل ہے۔

میچ کے بعد سماجی رابطوں کی ویب سائٹ ایکس (سابق ٹوئٹر) پر صارفین نے ارشدیپ پر تنقید کے تیر برسا دیے اور  ایک دل جلے نے تو ان کے بولنگ فیگرز پر انہیں رنز کی مشین بھی قرار دے دیا۔

کچھ صارفین نے ان کے بھارتی اسکواڈ میں شمولیت پر سوالات اٹھا دیے تو کئی صارفین نے بولر کو مخالف ٹیموں کے لیے مفید بولر قرار دیا۔

ارشدیپ کے حوالے سے سوشل میڈیا صارفین نے جو طنزیہ پوسٹ کیں اس میں بولی ووڈ فلموں کے مزاحیہ مناظر کا بھی سہارا لیا اس میں سے کچھ یہ ہیں۔

 

 

 

 

 

 

 

 

More posts