قومی کرکٹ ٹیم کے سابق ڈائریکٹر مکی آرتھر عہدے سے مستعفی ہو گئے۔
پی سی بی کی جانب سے جاری اعلامیہ کے مطابق سابق ڈائریکٹر مکی آرتھر، سابق کوچ گرانٹ بریڈبرن اور ایڈریوپٹک اپنے عہدوں سے مستعفی ہو گئے ہیں۔
ورلڈکپ کی ناکامی کے بعد مکی آرتھر کو ان کے عہدے سے ہٹا دیا گیا تھا جس کے بعد مکی آرتھر نے نیشنل اکیڈمی میں کام کرنے سے انکار کر دیا تھا۔
سابق کوچ گرانٹ بریڈبرن اور ایڈریوپٹک پہلے ہی مستعفی ہو چکے تھے۔
اپریل 2023 میں آرتھر کو پاکستان مینز کرکٹ ٹیم کا ڈائریکٹر مقرر کیا گیا تھا جبکہ بریڈ برن کو گزشتہ سال کے شروع میں ٹیم کے ہیڈ کوچ کا اعلان کیا گیا تھا۔ جنوبی افریقہ کے سابق کرکٹر پوٹک اپریل 2023 سے پاکستان کے بیٹنگ کوچ تھے۔