اے آر وائی ڈیجیٹل نیٹ ورک کے صدر و سی ای او سلمان اقبال کا کہنا ہے کہ ارشد شریف کی موت سے متعلق کمیٹی رپورٹ میں حقائق کی کمی ہے۔
اے آر وائی نیوز کے مطابق صدر و سی ای او سلمان اقبال نے کہا کہ ’میری تفتیش کاروں کو فراہم کردہ زیادہ تر معلومات رپورٹ سے غائب ہے، تفتیش کاروں کے بیانیے سے متصادم میری معلومات شامل ہی نہیں کی گئیں۔
سلمان اقبال نے کہا کہ کمیٹی کی رپورٹ حقائق کے برعکس ان کے تعصب کو اجاگر کرتی ہے۔
انہوں نے مزید کہا کہ واقعے سے متعلق حقائق اور مکمل سچائی سے پردہ اٹھانے کی ضرورت ہے میں سپریم کورٹ سے آزادانہ انکوائری کے مطالبے کا اعادہ کررہا ہوں۔
"ارشد شریف کی موت سے متعلق کمیٹی رپورٹ میں حقائق کی کمی ہے۔۔” صدر، سی ای او اے آر وائی نیٹ ورک سلمان اقبال کا بیان#ARYNews #SalmanIqbal #ArshadShareefShaheed pic.twitter.com/2nGRx3zEMJ
— ARY NEWS (@ARYNEWSOFFICIAL) December 6, 2022
یہ پڑھیں: پولیس کی پھرتیاں، ارشد شریف کی والدہ کی مدعیت کے بغیر مقدمہ درج
واضح رہے کہ اب سے کچھ دیر قبل شہید ارشدشریف کے قتل کی ایف آئی آر سامنے آئی۔ ایف آئی آر ایس ایچ او تھانہ رمنہ کی مدعیت میں درج ہوئی ہے۔
مقدمہ متن میں کہا گیا ہے کہ ارشد شریف کی میت 26 اکتوبر کو بیرون ملک سے پاکستان پہنچی تو میڈیکل بورڈ سے ارشدشریف کا پوسٹ مارٹم کرایا گیا ارشدشریف کی پوسٹ مارٹم رپورٹ ورثا کے حوالےکی گئی۔
ارشدشریف قتل کی رپورٹ 26 اکتوبر کو زیردفعہ 174کے تحت درج کی گئی۔ ایف آئی آر کے مطابق ارشدشریف کی موت آتشی اسلحےکی گولی لگنےسےہوئی، پوسٹ مارٹم رپورٹ کےمطابق ارشد شریف کو کینیا میں قتل کیا گیا۔
ایف آئی آر میں خرم احمد اور طارق احمد وصی کو نامزد کیا گیا ہے اور تفتیش ہومی سائیڈیونٹ کےحوالےکی جا رہی ہے۔
یاد رہے کہ پولیس نے شہید صحافی ارشد شریف کے قتل کی ایف آئی آر والدہ کی مدعیت کے بغیر ہی درج کی ہے۔
سپریم کورٹ کے حکم کے بعد ارشد شریف کی والدہ نے کہا تھا کہ میرا بیٹا قتل ہوا ہے ایف آئی آر میں درج کراؤں گی حکومت میری مدعیت میں بیٹے کے قتل کی ایف آئی آردرج کرے۔