اسلام آباد: وفاقی وزیر خزانہ اسد عمر نے کہا کہ امن، سرحدی حفاظت کے لیے ہم نے اپنے ارادے، صلاحیت کا مظاہرہ کیا۔
تفصیلات کے مطابق وفاقی وزیر خزانہ نے سماجی رابطے کی ویب سائٹ ٹویٹر پر اپنے پیغام میں کہا کہ ہم تاریخ کے دوراہے پرکھڑے ہیں، پاکستان اوربھارت کی قیادت کوفیصلہ کرنا ہے۔
اسد عمر نے کہا کہ قوم کوامن وخوشحالی کی طرف لے جانا چاہتے ہیں یا تنازع کی طرف یہ فیصلہ کرنا ہوگا۔
We are at the cross road of history. Leadership of India & Pak need to decide if we want to lead our nations towards peace & prosperity or conflict.Pak remains commited to peace while resolute in defence of our sovereignity,for which we have demonstrated both our capacity & will
— Asad Umar (@Asad_Umar) February 28, 2019
وفاقی وزیر خزانہ پاکستان امن اوراپنی سرحدوں کی حفاظت کے لیے پرعزم ہے، امن، سرحدی حفاظت کے لیے ہم نےاپنے ارادے، صلاحیت کا مظاہرہ کیا۔
پاکستانی حدود کی خلاف ورزی پر بھارتی طیارے مارگرائے، آئی ایس پی آر
یاد رہے کہ گزشتہ روز پاک فضائیہ کے لڑاکا طیاروں نے بھارت کو بھرپور جواب دیتے ہوئے 2 طیارے مار گرائے تھے جبکہ ایک پائلٹ کو بھی گرفتار کرلیا تھا۔
ترجمان پاک فوج کا کہنا تھا کہ بھارتی طیاروں کو پاکستانی فضائی حدود میں نشانہ بنایا گیا، ایک بھارتی طیارہ آزاد جموں کشمیر اور دوسرا مقبوضہ کشمیر کی حدود میں گرا۔
واضح رہے کہ دو روز قبل بھارت کے طیاروں نے پاکستانی حدود کی خلاف ورزی کی تھی جس پر پاکستانی طیاروں نے بروقت ردعمل دیا تو بھارتی طیارے اپنا پے لوڈ لائن آف کنٹرول کے علاقے جبہ میں گراتے ہوئے فرار ہوگئے تھے۔