صدر ایشین کرکٹ کونسل محسن نقوی نے ایشیا کپ کے شیڈول کا اعلان کردیا۔
ایشین کرکٹ کونسل (اے سی سی) کے صدر محسن نقوی نے شیڈول کا اعلان کیا ہے گروپ اے میں پاکستان، بھارت، عمان اور یو اے ای شامل ہیں۔
بنگلادیش، سری لنکا، افغانستان، ہانگ کانگ گروپ بی میں شامل ہیں۔
روایتی حریف پاکستان اور بھارت 14 ستمبر کو آمنے سامنے ہوں گے، ایشیا کپ کا پہلا میچ 9 ستمبر کو افغانستان اور ہانگ کانگ کے درمیان ہوگا۔
ایشیا کپ کا فائنل 28 ستمبر کو کھیلا جائے گا۔
یو اے ای میں کھیلے جانے والے ایشیا کپ میں 8 ٹیمیں شرکت کریں گی جس میں پاکستان میزبان بھارت، سری لنکا، بنگلہ دیش، افغانستان، یو اے ای ، ہانگ کانگ اور عمان کی ٹیمیں شامل ہیں۔
دوسری جانب دھمکیاں دینے والے بھارت کو ایک اور ہزیمت کا سامنا کرنا پڑا ہے، اور اب وہ ایشیا کپ بھی کھیلنے کو تیار ہوگیا ہے، بھارتی کرکٹ بورڈ کو پاکستان کے خلاف میچ کے لیے بھی گرین سگنل مل گیا ہے۔
بھارتی میڈیا نے دعوی کیا ہے کہ بھارتی کرکٹ بورڈ کو ایشیا کپ کھیلنے کے لیے حکومت سے اجازت مل گئی، پاکستان کے خلاف میچ کے لیے بھی گرین سگنل مل گیا۔