ایشیا کپ کے ساتویں میچ کے لیے پاکستان نے بنگلہ دیش کے خلاف 11 رکنی اسکواڈ کا اعلان کردیا۔
پاکستان کرکٹ بورڈ (پی سی بی) کی جانب سے 11 رکنی اسکواڈ کا اعلان کیا گیا ہے جس میں ایک تبدیلی کی گئی ہے، محمد نواز کی جگہ فہیم اشرف کو اسکواڈ کا حصہ بنایا گیا ہے۔
پاکستان اور بنگلہ دیش کے درمیان ایشیا سپر فور مرحلے کا پہلا میچ قذافی اسٹیڈیم میں کھیلا جائے گا۔
پاکستانی اسکواڈ:
بابر اعظم کپتان ہیں، شاداب خان نائب کپتان دیگر کھلاڑیوں میں فخر زمان، امام الحق، سلمان علی آغا، افتخار احمد، محمد رضوان، فہیم اشرف، نسیم شاہ اور حارث رؤف شامل ہیں۔
ایشیا کپ کے پہلےمرحلے میں پاکستان نے افتتاحی میچ میں نیپال کو شکست دی تھی جبکہ بھارت کے خلاف دوسرا میچ بارش کی نذر ہوگیا تھا۔
واضح رہے کہ ایشیا کپ 31 اگست سے 17 ستمبر تک کھیلا جائےگا، ایونٹ کے 9 میچز سری لنکا اور 4 میچز پاکستان میں ہوں گے۔
سپر 4 پلے آف کے میچز 6 سے 15 ستمبر تک ہوں گے جبکہ 17 ستمبر کو ٹورنامنٹ کا فائنل کولمبو میں کھیلا جائےگا۔